Пулишич «Миланмен» келісімшартты ұзартуы мүмкін

Кристиан Пулишич «Миланда» әлі біраз ойнайды

Экрем Конурдың хабарлауынша, қос тарап маусым аяқталысымен келісімшартты ұзарту жөнінде келіссөз бастайды.

Жаңа шарт 2031 жылдың 30 маусымына дейін жарамды болады деп күтілуде. Ал оған сәйкес Пулишичтің жалақысы біршама артады екен.

27 жастағы америкалық вингер «россонерри» сапына 2023 жылы «Челсиден» 20,8 миллион еуроға ауысып келген еді. Ол осы маусымда 26 матчта 10 гол соғып, екі нәтижелі пас берді.