ПСЖ «Парижден» басым түсті

Франция Бірінші лигасының 17-туры аясында ПСЖ өз алаңында «Парижді» тізе бүктірді

«Парк-де-Пренс» стадионында өткен кездесуде 2:1 есебі тіркелді. Алаң иелерінің сапында Дезире Дуэ мен Осман Дембеле қақпа торын тулатты. Ал «Париждің» жалғыз голын Виллем Геббелс пенальтиден соқты.

Осылайша 39-ұпайына қол жеткізген ПСЖ турнир кестесінде екінші сатыға орнықты. Көш бастап тұрған «Ланстың» еншісінде 40 ұпай бар.

Луис Энрике шәкірттері келесі турда 16 қаңтар күні «Лилльді» қабылдайды.