ПСЖ «Челсиді» талқандап тастады

Чемпиондар лигасы 1/8 финалының қарымта матчында ПСЖ сырт алаңда «Челсиді» 3:0 есебімен тізе бүктірді

«Стэмфорд Бриджде» өткен кездесу 0:3 есебімен аяқталды. Матч барысында 6-минутта Хвича Кварацхелия, 14-минутта Брэдли Барколя және 62-минутта Сенни Меюлю мергендік танытты.

Осылайша Париждің клубы қос матчтың қорытындысы бойынша 8:2 есебімен жеңіске жетіп, ширек финалға жолдама алды.

Луис Энрике шәкірттері келесі кезеңде «Ливерпуль» — «Галатасарай» (0:1) жұбының жеңімпазымен кездеседі.