Олисе Бундеслиганың осы маусымдағы үздік ойыншысы атанды

«Бавария» вингері Майкл Олисе футболшылардың нұсқасы бойынша Бундеслиганың осы маусымдағы үздік ойыншысы атанды

Kicker ұйымдастырып, оған Германия чемпионатының 199 ойыншысы қатысқан дауыс беруде Олисенің көрсеткіші 40,7%-ды құрады. Екінші орынға «Лейпциг» шабуылшысы Ян Диоманд (15,1%) жайғасса, үздік үштікті «Гамбург» қорғаушы Лука Вушкович (11,1%) түйіндеді. Ал біріншілікте 36 гол соғып, үздік сұрмерген атанған «Бавария» форварды Харри Кейн (10,1%) төртінші орынға орнықты.

Олисе бұған дейін ресми түрде Бундеслиганың үздік ойыншысы деп танылған еді. 24 жастағы француз чемпионаттың биылғы маусымында 32 матчта 15 гол соғып, 21 нәтижелі пас берді.