Месси Пелемен теңесті

MLS 2-турында «Интер Майами» «Орландо Ситиді» 4:2 есебімен жеңді

Орландода өткен матчта Лионель Месси екі гол соқты. Оның бірін Лео айып соққысынан қақпа торына енгізді.

Осылайша 38 жастағы аргентиналық шабуылшы айып добынан соққан голдар санын 70-ке жеткізіп, бұл көрсеткіш бойынша Пелемен теңесті. Ал рекорд Жуниньо Пернамбуканоға (77 гол) тиесілі.

Месси «Интер Майами» намысын 2023 жылдан бері қорғап келеді. Ол осы маусымда екі матчқа қатысып, екі гол соқты.