Консейсау Роналдудың жетістігін қайталады

«Ювентус» вингері Франсишку Консейсау Италия А Сериясының 27-турында «Рома» (3:3) қақпасының торын тулатты

Осылайша 23 жастағы ол чемпионаттың бір маусымында «Ромаға» екі гол соққан тарихтағы екінші португалиялық ойыншы атанды. Консейсау 16-турда да Рим клубының қақпасынан саңылау тапқан еді.

Бұған дейін мұндай мәртебе тек Криштиану Роналдуға тиесілі болған.

Консейсау осы маусымда 31 матчта төрт гол соғып, бір нәтижелі пас берді.