«Комо» «Ювентусты» жеңіп кетті

Италия А Сериясының 26-турында «Комо» сырт алаңда «Ювентустен» басым түсті

«Альянц Стэдиумде» өткен кездесуде 0:2 есебі тіркелді. Ойынның 11-минутында Мергим Войвода гол соқса, 61-минутта Максенс Какере есепті еселеді.

Осылайша «лариани» 45-ұпайын олжалап турнир кестесінде алтыншы орынға жайғасты. Ал 46 ұпайы бар Туриннің клубы бесінші сатыда келеді.

Сеск Фабрегас шәкірттері келесі турда «Леччені» қабылдаса, Лучано Спаллеттидің командасы «Ромаға» қонаққа барады.