Ибрагимовичтің ұлы «Аякс» ойыншысы атанады

Максимилиан Ибрагимович «Миланнан» «Аяксқа» ауысады

Фабрицио Романоның хабарлауынша, Амстердамның клубы 19 жастағы швед вингерін сатып алу құқығымен жалға алады. Қос тарап кеше келісімге келіп қойыпты. Сондай-ақ «Милан» футболшының келесі трансферінен үлес алады екен.

Осылайша Максимилиан әкесі Златанның бұрынғы клубында ойнайтын болды. Ибра «Аякстың» намысын 2001-2004 жылдары аралығында қорғаған еді.

Айта кетейік, Максимилиан Ибрагимович осы маусымда жастар клубында 17 матчта бес гол соғып, төрт нәтижелі пас берді.