Джейми Варди «Кремонезеге» ауысады

Джейми Варди «Кремонезе» ойыншысы атанады

38 жастағы тәжірибелі англиялық шабуылшы «жолбарыстар» сапына еркін агент ретінде қосылады.

Қос тарап 2026 жылға дейін жарамды келісімшартқа қол қояды. Сондай-ақ, тағы бір маусымға ұзарту мүмкіндігі қарастырылған.

Варди осы жазда «Лестермен» қош айтысқан еді. Ол 2012-2025 жылдар аралығында «түлкілер» намысын қорғап, 500 ойында 200 гол соғып, 71 нәтижелі пас берді. Командамен бірге Англия чемпионы атанып, Ел Кубогы мен Суперкубогында топ жарды.