«Челси» маусымдағы алғашқы жеңісіне қол жеткізді

Ағылшын Премьер-лигасының 2-туры аясында «Челси» қонақта «Вест Хэмді» жеңді

Лондондық дербиде 1:5 есебі тіркелді.

Ойынның есебін алаң иелері сапында Лукас Пакета ашты. Алайда, «ақсүйектер» бұл голға бес доппен жауап қатты. Жоао Педро, Педру Нето, Мойзес Кайседо, Энцо Фернандес және Трево Чалоба мергендігімен танылды.

Бұл «Челсидің» биылғы АПЛ маусымындағы алғашқы жеңісі. «Көктер» бірінші турда «Кристал Пэласпен» (0:0) тең түскен болатын.

Энцо Мареска шәкірттері келесі турда өз алаңында «Фулхэмді» қабылдайды.