Хави Симонс «Челси» ойыншысы атануға жақын

«Лейпциг» жартылай қорғаушысы Хави Симонс «Челсиге» ауысуға жақын

Флориан Плеттенбергтің мәліметінше, тараптар ауызша келісімге келген. Лондондық команда пен Симонс арасындағы келісімшарт 2031 жылға дейін жарамды болады.

Қос клубтың өкілдері бүгін өтетін «Лейпциг» – «Бавария» матчынан соң кездесіп, келіссөз жүргізбек.

22 жастағы Нидерланд құрамасының футболшысы биылғы маусымда бір ойын өткізіп үлгерді. Германия кубогы аясындағы «Заундхаузенге» қарсы ойында бір гол соғып, бір нәтижелі пас берді.