Бельгия бапкері: Қазақстанға бармайтыным жақсы болды

2026 жылғы Әлем чемпионатына іріктеу турнирі аясында Бельгия Уэльсті (4:2) жеңді

Матч соңында Бельгия бас бапкері Руди Гарсия төреші Даниэль Зибертпен салғаласқаны үшін сары қағазбен жазаланды.

Осыған байланысты Қазақстанға қарсы ойында командасына алаң жиегінен көмектесе алмайтын болды.

— «Маған дисквалификация берген сияқты. Бір жағынан дұрыс болды. Қазақстанға ұзақ сапар шегіп, әуре болмаймын»,– деді Руди Гарсия матчтан кейін.

Қазақстан мен Бельгия арасындағы кездесу 15 қараша күні «Астана Аренада» өтеді.