«Бавария» сұмдық камбэк жасады

Германия Бундеслигасының 31-турында «Бавария» сырт алаңда «Майнцты» 4:3 есебімен тізе бүктірді

Алаң иелері бірінші таймда 3:0 есебімен алға шыққан еді. Бірақ ойынның екінші бөлігінде «Бавария» таблодағы көрсеткішті 4:3-ке өзгертіп, ғаламат камбэк жасады. Мюнхен клубының сапында Николас Джексон, Майкл Олисе, Жамал Мусиала және Харри Кейн мергендік танытты.

Осылайша Венсан Компани шәкірттері 82-ұпайын еншіледі. Өткен турда «неміс мәшинесі» мезгілінен бұрын Германияның 35 дүркін чемпионы атанып қойған еді.

Келесі турда команда 2 мамыр күні «Хайденхаймды» қабылдайды. Ал одан төрт күн бұрын Чемпиондар лигасы жартылай финалының алғашқы матчында ПСЖ-ға қонаққа барады.