«Тоттенхэм» «Манчестер Ситиді» тізе бүктірді

Ағылшын Премьер-лигасының 2-туры аясындағы ойында «Тоттенхэм» «Манчестер Ситиді» жеңді

Манчестердегі «Этихад» стадионында өткен кездесуде 0:2 есебі тіркелді.

Алаң қонақтары сапында Бреннан Джонсон мен Жоау Палинья гол соғып, көзге түсті.

Осылайша, лондондық клуб ішкі чемпионаттағы екінші жеңісіне қол жеткізді. Бұған дейін, «Бернлиден» (3:0) басым түскен еді.

Енді Томас Франк шәкірттері келесі турда өз алаңында «Борнмутты» қабылдайды.