«Тоттенхэм» А Сериясы жұлдызына көз тікті

«Тоттенхэм» қатарына «Комо» жартылай қорғаушысы Нико Пасты қосуға ниетті

Лондондық клуб тамыз айының басында Пас үшін 40 млн еуро ұсынған еді. Алайда, «Лариани» аргентиналық дүлдүлін 70 млн еуроға бағалап отыр.

Джанлука Ди Марционың мәліметінше, «Тоттенхэм» жартылай қорғаушыларының жарақат алғанына байланысты Пас үшін қомақты ұсыныс жасауға дайындалып жатыр екен.

Осыған дейін «қораздардың» негізгі футболшылары Деян Кулушевски мен Джеймс Мэдиссон 2026 жылға дейін қатардан шыққан болатын.

Айта кетейік, Пас А Сериясының өткен маусымында 35 ойын өткізіп, 6 гол соғып, 8 нәтижелі пас берді.