«Тоттенхэм» дүлдүлі қатардан шықты

«Тоттенхэм» ойыншысы Деян Кулушевскидің ескі жарақаты сыр берді

Швециялық жартылай қорғаушы өткен маусымның соңында тізесін жарақаттап алып, ота жасатқан.

Дәрігерлердің қорытындысы бойынша, жарақат клуб күткеннен де ауыр болып шықты. Соның салдарынан Кулушевски 2026 жылға дейін алаңға шыға алмайды.

Бұған дейін хавбек Джеймс Мэддисон да жаттығу кезінде тізесін зақымдап, келесі жылға дейін ойыннан тыс қалған еді.

Айта кетейік, АПЛ бірінші турында «Бернлиді» (3:0) жеңген «Тоттенхэм» турнир кестесінде үшінші орында келеді.