Тимур Турловтың Қарағанды футболына қанша ақша бөлетіні белгілі болды

Қарағанды облысы футбол федерациясының жаңа президенті Тимур Турлов жергілікті футболды дамытуға жалпы 18,5 миллиард теңге жұмсамақ.

12 млрд теңге 3500 адамға арналған стадионы, манежі, бассейні және жаттығу алаңы бар жаңа футбол академиясын салуға бағытталады.

6,12 млрд теңге бұқаралық футболды қолдауға, спорт мектептерін дамытуға, инфрақұрылымға және керек-жарақ алуға жұмсалады.

Ал 0,38 млрд теңге әкімшілік және басқа да шығындарға қарастырылған.