«Реал» «Вильярреалды» тізе бүктірді

Испания Ла Лигасының 21-турында «Реал» сырт алаңда «Вильярреалды» 2:0 есебімен жеңді

«Керамика» стадионында өткен кездесуде Килиан Мбаппе қос голдың авторы атанды. 27 жастағы француз оның біреуін пенальтиден соқты.

Осылайша «бланкос» 51-ұпайын еншілеп, турнир кестесінде көш басына көтерілді.

Альваро Арбелоаның шәкірттері келесі турда 1 ақпан күні «Райо Вальеканоны» қабылдайды. Ал одан үш күн бұрын Чемпиондар лигасында «Бенфикаға» қонаққа барады.