«Реал» қонақта ірі есеппен жеңіске жетті

Ла Лиганың 2-туры аясында мадридтік «Реал» сырт алаңда «Реал Овьедоны» 3:0 есебімен жеңді

«Бланкос» сапында Килиан Мбаппе дубль жасаса, Винисиус Жуниор бір мәрте мергендігімен көзге түсті.

Осылайша патша клубы Испания чемпионатындағы екінші жеңісіне қол жеткізді. Бірінші турда «Осасунадан» (1:0) басым түскен еді.

Хаби Алонсо шәкірттері ішкі біріншіліктегі келесі ойынын «Сантьяго Бернабеу» стадионында «Мальоркаға» қарсы өткізеді. Аталған кездесу 31 тамызға жоспарланған.