Куртуа «Реалмен» келісімшартын ұзартады

Тибо Куртуа «Реалмен» келісімшарт мерзімін ұзартады

Саша Тавольеридің мәліметінше, қос тарап ауызша мәмілеге келген. Жаңа келісімшарт 2027 жылға дейін жарамды болмақ.

33 жастағы бельгиялық қақпашы Мадридтің клубында 2018 жылдан бері ойнап келеді. Осы аралықта ол «бланкос» сапында 289 матч өткізіп, 114 ойында қақпасына гол жібермеді. Командамен бірге Испанияның үш дүркін чемпионы атанып, екі мәрте Чемпиондар лигасында топ жарды.