Джанлуиджи Доннарума АПЛ клубына ауысуы мүмкін

Италиялық қақпашы Джанлуиджи Доннарума мансабын Ағылшын Премьер-лигасында жалғастыруы мүмкін

Николо Скираның мәліметінше, 26 жастағы голкипер «Манчестер Ситимен» трансфер жөнінде мәмілеге келген. Қос тарап 2030 жылға дейін жарамды келісімшартқа қол қоймақ.

Ал Эдерсон ат басын Түркияға бұрып, «Галатасарай» қақпашысы атанады екен.

Доннарума осыған дейін ПСЖ намысын қорғады. Париждің ұжымында қақпашы Францияның төрт дүркін чемпионы атанып, Чемпиондар лигасында топ жарды. Клубтағы төрт жылда жалпы 161 ойын өткізіп, 56 кездесуде қақпасына гол жібермеді.