Қазақстан Англияға жол берді

Қазақстан U21 құрамасы 2027 жылғы Еуропа чемпионатына іріктеу кезеңі аясында англиялық қатарластарына есе жіберді

Ақтөбедегі Қобыланды Батыр атындағы орталық стадионда өткен кездесу 0:2 есебімен аяқталды. Ағылшындар сапында Итан Нванери мен Джоб Беллингем гол соқты.

Осылайша, екі ойында үш ұпай жинаған ел құрамасы D тобында бесінші орынға жайғасты. Отандастарымыз алғашқы матчта Андорраны 1:0 есебімен жеңген еді.

Денис Мамонов шәкірттері келесі ойынын Андорраға қарсы түзде өткізеді. Кездесу 9 қазанға жоспарланған.