Коке рекорд орнатты

«Атлетико» жартылай қорғаушысы Коке рекорд орнатты

34 жастағы испан ойыншысы Суперкубоктың 1/2 финалында «Реалға» қарсы 44-матчын өткізді. Осылайша ол Мадрид дербиінде ең көп ойнаған футболшы атанды.

Бұған дейінгі рекорд 43 ойын өткізген «Реалдың» бұрынғы қорғаушысы Серхио Рамосқа тиесілі болды.

Айта кетейік, Коке «Атлетико» намысын 2011 жылдан бері қорғап келеді. Ол осы маусымда 26 матчта екі гол соғып, екі нәтижелі пас берді.