Кай Хаверц «Лидспен» ойынға қатыспайды

«Арсенал» ойыншысы Кай Хаверц тізесін жарақаттап алған

Осыған байланысты германиялық шабуылшы Ағылшын Премьер-лигасының 2-туры аясындағы «Лидске» қарсы өтетін ойынға қатыспайды. Кездесу 23 тамызға жоспарланған.

Бұл туралы команла бас бапкері Микель Артета мәлімдеді:

— Хаверц «Лидспен» ойынға дайын емес. Өкінішке орай, ол тізесін зақымдап алды. Біз қазір жарақаттың қаншалықты ауыр екенін білмейміз. Сәйкесінше, алаңға қашан оралатыны да белгісіз,– деді Микель Артета.

Айта кетейік, АПЛ-дың бірінші турында «Манчестер Юнайтедтен» (1:0) басым түскен лондондық клуб турнирлік кестенің алтыншы сатысында келеді.