22.08.2025 19:07

10

Родри мен Фоден қатарға қосылды

22.08.2025 19:07

10

«Манчестер Ситидің» басты ойыншылары Родри мен Фоден алаңға оралуға дайын

Бұл туралы клубтың бас бапкері Пеп Гвардиола мәлімдеді:

— Родри мен Фил бірінші турдағы ойынға дайындықтарының аз болуына байланысты қатыспады. «Вулверхэмптонға» қарсы 90 минут ойнау олардың қолынан келмейтінін түсіндік. Бірақ, қазір сақадай сай. Ертең алаңға шығуға дайын, – деді Пеп Гвардиола.

Сондай-ақ испаниялық бапкер өз сөзінде Матео Ковачич, Йошко Гвардиол және Савиньоның жарақаты бар екенін атап өтті.

Осыған дейін Фоден мен Родри жарақаттарына байланысты «Палермоға» (3:0) қарсы жолдастық кездесумен АПЛ бірінші туры аясындағы «Вулверхэмптонмен» (4:0) ойынға қатыспаған болатын.

Айта кетейік, «қалалықтар» ертең, 23 тамыз АПЛ 2-туры аясында өз алаңында «Тоттенхэмді» қабылдайды.

Азамат Бақи

Азамат Бақи

InstagramInstagram