Грегор Кобель «Реалға» ауысуы мүмкін

Дортмундтың «Боруссиясында» ойнайтын қақпашы Грегор Кобель мансабын Испания Ла Лигасында жалғауы мүмкін

Экрем Конурдың хабарлауынша, 28 жастағы Швейцария құрамасының голкиперіне «Реал» қызығушылық танытып отыр. Мадридтің клубы оны алдағы қыста қатарына қосуды көздейді, бірақ әлі ресми келіссөз басталмапты.

Кобель «аралардың» намысын 2021 жылдан бері қорғап келеді. Ол осы маусымда бес матчта алты гол өткізіп, екі ойында қақпасына доп жібермеді.