Еуро-2028 финалы қайда өтеді?

Англия, Ирландия, Шотландия және Уэльсте өтетін 2028 жылғы Еуропа чемпионатының стадиондары белгілі болды

Турнирдің беташар матчы Кардиффтегі «Миллениумде» өтеді. Ал екі жартылай финал мен финал Лондондағы «Уэмблиде» болады.

Сондай-ақ ширек финал матчтарын «Уэмбли» мен «Миллениумнен» бөлек Дублиндегі «Дублин Арена» мен Глазгодағы «Хемпден Парк» қабылдайды.

Одан бөлек турнирді ұйымдастырушы ареналар қатарында «Сент-Джеймс Парк» (Ньюкасл), «Этихад» (Манчестер), «Эвертон Стэдиум» (Ливерпуль), «Вилла Парк» (Бирмингем) және «Тоттенхэм Стэдиум» (Лондон) бар.

24 құрама сынға түсетін кәрі құрлықтың басты додасы 9 маусым мен 9 шілде аралығына жоспарланған.