Димарко «Интерде» қалады

«Интер» қорғаушысы Федерико Димарко клубта қалады

Николо Скираның хабарлауынша, қос тарап келісімшартты 2030 жылдың 30 маусымына дейін ұзарту туралы келіссөз жүргізіп жатыр. Сондай-ақ жалақысы да біршама артады екен.

28 жастағы италиялық ойыншы «нерадзурри» намысын 2018 жылдан бері қорғап келеді. Ол осы маусымда 43 матчта жеті гол соғып, 18 нәтижелі пас берді. Қазіргі келісімшарты 2027 жылдың жазына дейін жарамды.