Чемпиондар лигасы финалының уақыты өзгерді

2026 жылдан бастап UEFA Чемпиондар лигасы финалының уақыты өзгереді

Яғни, ақтық кездесулер Қазақстан уақытымен түнгі 00:00-де емес, 21:00-де басталатын болады.

— Матч ертерек басталса, сәйкесінше ертерек бітеді. Осылайша, жанкүйерлер сенбінің кешінде қалған уақытты отбасымен немесе достарымен матчты талқылай отырып, тиімді өткізе алады, — деді УЕФА президенті Александер Чеферин.

2026 жылғы финал 30 мамыр Венгрия астанасы Будапешт қаласында орналасқан «Пушкаш Аренада» өтеді.

Ал жаңа маусымның алғашқы туры 16-18 қыркүйекке жоспарланған.

Еске салсақ, өткен маусымда «ПСЖ» финалда «Интерді» 5:0 есебімен тізе бүктіріп, тарихында алғаш рет Чемпиондар лигасында топ жарған еді.