Бүгін Монакода Чемпиондар лигасы жалпы кезеңінің жеребе тарту рәсімі өтеді. Еуропаның үздік 36 клубы өзара қарсыласын анықтап, топқа бөлінеді. Сонымен, келер жылдың 30 мамырында «Пушкаш аренада» өтетін финал үшін тартыс ресми түрде ашық!Чемпиондар лигасының жаңа жүйесі бойынша, жеребе тарту рәсімінің ерекшелігі көп. Сонымен, биыл қай жерде жеребе тартылып, қай командалар бірге жұп болмайды?

Жаңа маусымда не өзгереді?

Айталық, жалпы кезеңдегі 36 команда төрт топқа бөлініп, өзара 8 ойын өткізеді. Аталған матчтың төртеуін өз алаңында, төртеуін сырт алаңда ойнайды. Жинаған ұпайы бойынша үздік сегіздікке кірген командалар тікелей 1/8 финалға жолдама алады. Ал 9-24 орындағы клубтар бір-бірімен келесі кезең мүмкіндігін сарапқа салады. Қалған 25-36 орындағылар осы жерден турнирді аяқтайды. Бұрынғыдай Еуропа лигасына өте алмайды. Жалпы кезең қыркүйектің ортасы мен қаңтардың соңына дейін жалғасады:

1 тур: 16-18 қыркүйек, 2025

2 тур: 30 қыркүйек - 1 қазан, 2025

3 тур: 21-22 қазан, 2025

4 тур: 4-5 қараша, 2025

5 тур: 25-26 қараша 2025

6 тур: 9-10 желтоқсан, 2025

7 тур: 20-21 қаңтар, 2026

8 тур: 28 қаңтар, 2026

Жалпы, жеребе онлайн форматта өтеді. Оны AE Live компаниясының Ernst&Young автомат программасы бақылайды. Жоғарыда жазғандай, қатысушылар УЕФА рейтингі бойынша төрт себетке «орналасады». Қазір бірінші себеттегі алғашқы орын былтыр ЧЛ жеңген «ПСЖ-ға» тиесілі .

Одан бөлек, белгілі бір командаға әр себеттен екі қарсылас бұйырады. Ерекшелігі, жалпы кезеңде бір елден екі команда өзара топқа түспейді. Сол сияқты бір лигадан  екі клуб қана қарсылас бола алады. Мысалы, егер «Қайратқа» Испаниядан «Барселона» мен «Реал Мадрид» шықса, онда «Атлетико» не «Вильярреал»  қарсылас атана алмайды. Осылайша, жалпы кесте құрылып, ұпай саны бойынша шын мықтыны анықтаймыз.

Әгәрәки, екі клуб бірдей ұпай жинаса, доп айырмасы, гол саны, сырт алаңда соққан гол есепке алынады. Оған қоса жеңіс саны, сырт алаңдағы жеңіс те рөл ойнайды. Осының бәрі сәйкес келген күннің өзінде коэффициенті жоғары клуб келесі кезеңге өтеді.

Кімдер қатысады?

Биыл 15 елден 36 клуб бақ сынайды. Англия рекорд орнатып, бірден ағылшынның алты командасы 1/8 финалды бетке алмақ. Атап айтсақ, «Ливерпуль», «Манчестер Сити», «Арсенал», «Челси», «Ньюкасл» мен «Тоттенхэм» бар. «Хотспур» Еуропа лигасында топ жарғаны үшін үздіктердің қатарына қосылды.

Одан бөлек, өткен маусымда жарқын өнер көрсеткені үшін Англия мен Испанияға қосымша бір-бір орын берілді. Сол үшін Испаниядан «Реал Мадрид», «Барселона», «Атлетико Мадрид», «Атлетик Бильбао» мен «Вильярреал» бар. Германия мен Италияны қоса алғанда төрт команда тізімде тұр. Олар: «Бавария», «Боруссия Дортмунд», «Интер», «Ювентус». Плей-офф кезеңіндегі сенсация қайсы десеңіз, Алматының «Қайраты», Кипрдың «Пафосы», Норвегияның «Буде-Глимтінің» жалпы кезеңге жолдама алды. Бұлар бұған дейін мұндай ірі турнирде бақ сынамаған.

1 себет: ПСЖ (Франция), «Реал Мадрид» (Испания), «Манчестер Сити» (Англия), «Бавария» (Германия), «Ливерпуль» (Англия), «Интер» (Италия), «Челси» (Англия), «Боруссия» Дортмунд (Германия), «Барселона» (Испания)

2 себет: «Арсенал» (Англия), «Байер» (Германия), «Атлетико» (Испания), «Бенфика» (Португалия), «Аталанта» (Италия),«Вильярреал» (Испания), «Ювентус» (Италия), «Айнтрахт» (Германия), «Брюгге» (Бельгия)

3 себет: «Тоттенхэм» (Англия), ПСВ (Нидерланды), «Аякс» (Нидерланды), «Наполи» (Италия), «Спортинг» (Португалия), «Олимпиакос» (Грекия), «Славия» Прага (Чехия), «Буде-Глимт» (Норвегия), «Марсель» (Франция)

4 себет: «Копенгаген» (Дания), «Монако» (Франция), «Галатасарай» (Түркия), «Юнион» (Бельгия), «Қарабақ» (Әзірбайжан), «Атлетик» (Испания) «Ньюкасл» (Англия), «Пафос» (Кипр), «Қайрат» (Қазақстан)

Жеребе тарту рәсімінің көрсетілімі 21:00-де Qazsport телеарнасының тікелей эфирінде болады.