«Қайрат» Чемпиондар лигасына шыққаны үшін қанша табыс тапты?

UEFA Чемпиондар лигасына іріктеу кезеңінің финалында «Қайрат» «Селтикті» қапы қалдырып, негізгі турнирге жолдама алды

Осы жетістігі үшін алматылық ұжымның қанжығасы 18,62 миллион еуромен (11,6 миллиард теңге) майланды.

«Қайрат» жалпы кезеңде сегіз ойын өткізеді. Әр жеңіске 2,1 миллион (1,3 миллиард теңге), ал тең нәтижеге 700,000 еуродан (436 миллион теңге) төленеді.

Айта кетейік, Рафаэль Уразбахтин шәкірттері іріктеу барысында «Олимпия», КуПС, «Слован» және «Селтикті» жолдан тайдырды.