«Барселона» «Реал Сосьедадты» тізе бүктірді

Ла Лиганың 7-туры аясында «Барселона» өз алаңында «Реал Сосьедадты» тізе бүктірді

Луис Компанис атындағы стадионда өткен кездесуде 2:1 есебі тіркелді. Алаң иелері сапында Роберт Левандовски мен Жюль Кунде мергендік танытты. Ал Сан-Себастьян клубының жалғыз голын Альваро Одриосола соқты.

Осылайша 19-ұпайын қанжығасына байлаған «блауграна» турнир кестесінде «Реалды» бір ұпайға артқа тастап, көш басына шықты.

Ханси Флик шәкірттері келесі турда, 5 қазан күні «Севильяға» қонаққа барады. Ал одан төрт күн бұрын Чемпиондар лигасы аясында ПСЖ-ны қабылдайды.