Англия Андорраны тізе бүктірді

2026 жылғы әлем чемпионатына іріктеу кезеңі аясында Англия Андоррадан басым түсті

Бирмингемдегі «Вилла Парк» стадионында өткен кездесуде алаң иелері еш қиындықсыз жеңіске жетті.

Матчтағы алғашқы голды 25-минутта Андорра қорғаушысы Кристиан Гарсия өз қақпасына соғып алды. Ал 67-минутта Деклан Райс Рис Джеймстың асырған пасын голмен түйіндеді. Нәтижесінде Англия 2:0 есебімен кезекті жеңісіне қол жеткізді.

Төрт ойыннан кейін қақпасына бірде-бір гол жібермей 12 ұпай еншілеген «үш арыстандар» К тобында жеке дара көш бастады. Сондай-ақ, топта ағылшындардан бөлек Сербия, Латвия, Албания және Андорра құрамалары бар.

Томас Тухель шәкірттері келесі ойынын 9 қыркүйек күні Сербияға қарсы сырт алаңда өткізеді.