15 жастағы футболшы АПЛ-де дебют жасады

15 жастағы Макс Доуман «Арсеналдағы» алғашқы матчын өткізді

Доуман 15 жас 235 күнінде Ағылшын Премьер-лигасының 2-туры аясындағы «Лидске» (5:0) қарсы өткен ойында дебют жасады.

Англиялық жартылай қорғаушы ойынның 64-минутында алаңға тыңнан қосылып, матч соңында командасының пайдасына пенальти әкелді. Он бір метрлік айып добын Виктор Дьокереш мүлтіксіз орындады.

Осылайша, Доуман АПЛ тарихындағы ең жас ойыншылардың қатарына енді. Бұл көрсеткіш бойынша рекорд оның командаласы Этан Нванериге тиесілі. Нванери 15 жас 181 күнінде 2022 жылы «Брентфордке» қарсы лигадағы тұсаукесер матчын өткізген болатын.

Айта кетейік, екі турда алты ұпай еншілеген «Арсенал» АПЛ турнирлік кестесінде көш бастап келеді.