Әділет Садыбеков: ертең Дастан үшін ойнаймыз

«Қайрат» жартылай қорғаушысы Әділет Садыбеков «Селтикке» қарсы матч алдында пікір білдірді

«Чемпиондар лигасының әр ойыны — мен үшін ерекше. Біз ертеңгі матчқа тыңғылықты дайындалдық. Мойнымызда үлкен жауапкершілік тұр. Чемпиондар лигасының гимнін есту – менің бала күнгі арманым.

Команда ішіндегі атмосфера тамаша. Осы деңгейге жетуіміздің себебі де сол деп білемін.

Глазгодағы ойыннан кейін Дастан қатты қынжылды. Мен оған: «ертең сен үшін аянып қалмаймыз» деп айттым», – деді Әділет.

Глазгода өткен алғашқы матчта есеп ашылмай, 0:0 есебі тіркелген еді.

Дастан сары қағаздың көптігіне байланысты Алматыдағы жауапты кездесуге қатысу мүмкіндігінен айырылды.

Чемпиондар лигасының жолдамасы сарапқа салынатын кездесу ертең, 26 тамыз күні Алматыдағы «Орталық» стадионда өтеді.