Хакан Чалханоглу қатардан шықты

«Интер» жартылай қорғаушысы Хакан Чалханоглу қатардан шықты

32 жастағы түркиялық ойыншы Италия А Сериясының 4-турындағы «Удинезеге» (5:3) қарсы матчқа жарақат салдарынан қатыспаған еді. Осыған байланысты бүгін таңертең медициналық тексерістен өтіп, нәтижесінде оң жақ сан бұлшық етінің созылып кеткені белгілі болды. Хаканның алаңға нақты қашан оралатыны әлі белгісіз.

Чалханоглу «нерадзурри» намысын 2021 жылдан бері қорғап келеді. Ол осы маусымда төрт матчқа қатысып, екі гол соқты.