Салах «Ливерпульдің» үздік ойыншысы атанды

Мұхамед Салах «Ливерпульдің» сәуірдегі үздік ойыншысы атанды

33 жастағы мысырлық вингер өткен айда алты матчқа қатысып, екі гол соқты.

Осылайша ол жанкүйерлердің дауыс беру нәтижесінде топ жарып, бұл марапатқа 29-рет қол жеткізді.

Салах «Ливерпульдегі» соңғы маусымын өткізіп жатыр. Ол Мерсисайдтың клубына 2017 жылы «Ромадан» 42 миллион еуроға ауысып келген еді.