Қазақстан – Уэльс матчының билеттері толықтай сатылып кетті

Қазақстан ұлттық құрамасы 2026 жылғы әлем чемпионатына іріктеу кезеңі аясында Уэльспен кездеседі

«Астана Аренада» өтетін матчта ине шаншар орын болмайын деп тұр. Себебі, матчтың билеттері түгел сатылып кетті.

Аталған ойын 4 қыркүйек күні, сағат 19:00-ге жоспарланған.

Айта кетейік, Қазақстан құрамасы 2026 жылғы Әлем чемпионатына іріктеу кезеңінде J тобында Солтүстік Македония, Уэльс, Лихтенштейн және Бельгия құрамаларымен сынға түсіп жатыр. 3 ойында 3 ұпай жинаған Әли Әлиев шәкірттері, турнир кестесінде үшінші орында келеді.