Өзбекстан құрамасына футболшыларға көлік сыйлағаны үшін айыппұл салынды

Азия футбол конфедерациясы (АФК) Өзбекстан футбол қауымдастығына қомақты айыппұл салды.

Өзбекстан 10 маусым күні өткен Катарға қарсы матчтағы марапаттау рәсімін АФК-мен алдын ала келіспепті.

Осылайша АФК серіктестерінің қатарына кірмейтін BYD көлігі сынды брендтер жарнамаланып кеткен.

Сондай-ақ Өзбекстан тарапы матчтан кейінгі баспасөз мәслихаты мен сұхбатты ұйымдастыруға жөнді көмектеспеген.

Осы ереже бұзуларға байланысты АФК Өзбекстанға жалпы 341 500 доллар айыппұл салды.