Испания жеңіліссіз сериясын ұзартты

ӘЧ-2026 іріктеу кезеңінде Испания Түркияны (6:0) ойсырата жеңді

Осылайша «қызыл фурия» жеңіліссіз сериясын 24 матчқа дейін ұзартты. Соңғы рет Луис де ла Фуэнте шәкірттері 2024 жылдың наурыз айында өткен жолдастық кездесуде Колумбияға (0:1) есе жіберген еді. Осы аралықта испаниялықтар 17 мәрте жеңіске жетіп, бес матчта тең түсті.

2026 жылғы әлем чемпионаты іріктеу кезеңі аясында екі ойында да жеңіске жеткен Испания құрамасы Е тобында алты ұпаймен көш бастап тұр. Екінші орынға Грузия (3 ұпай) жайғасса, үштікті Түркия (3 ұпай) түйіндеген. Ал барлық ойында жеңіліс тапқан Болгария соңғы орында келеді.