АПЛ клубтары трансфер кезеңінде рекорд орнатты

Бүгін «Лидс» «Милан» шабуылшысы Ноа Окафорды 20 млн еуроға сатып алды

Аталған ауысымның нәтижесінде Англия біріншілігінде бір трансферлік терезеде қаржы жұмсау бойынша рекорд жаңарды.

АПЛ клубтары осы жазда құрамдарын күшейту мақсатында жалпы 2,74 млрд еуро жаратқан.

Осылайша, 2023 жылы тіркелген рекорд бұзылды. Екі жыл бұрын Премьер-лига өкілдері жалпы сомасы 2,73 млрд еуроға трансфер жасаған болатын.

Айта кетейік, АПЛ-дың 2025/26 жылғы маусымы өткен аптада басталды. Алғашқы турдан кейінгі турнир кестесінде «Вулверхэмптонды» (4:0) ойсырата жеңген, «Манчестер Сити» көш бастап тұр.