28.11.2025 20:04
Альварес тарихи нәтиже тіркеді
28.11.2025 20:04
Альварес Чемпиондар лигасында «Атлетико» құрамындағы үздік сұрмергендердің қатарына кірді
«Атлетико» шабуылшысы Хулиан Альварес Чемпиондар лигасындағы испан клубының ең үздік сұрмергендері қатарына енді. Ол команда тарихында турнирде 10 голдық межеден асқан үшінші ойыншы болды.
«Интерге» қарсы өткен матчта (2:1) шабуылшы есепті ашты. Бұл гол Альварестің «Атлетико» сапына Чемпиондар лигасындағы оныншы голы атанды. Бұл межеге жету үшін 25 жастағы ойыншыға 14 матч қажет болған.
Клуб тарихындағы Чемпиондар лигасының ең үздік сұрмергені ретінде Антуан Гризманн қала береді. Оның еншісінде 39 гол бар. Екінші орында Сауль Ньигес, оның қоржынында 11 дәл соққы.
