ПСЖ «Барселонадан» басым түсті

Чемпиондар лигасының үшінші турында ПСЖ өз алаңында «Барселонаның» осал тұсын тапты

«Парк-де-Пренс» стадионында өткен кездесуде 4:2 есебі тіркелді. Алаң иелерінің құрамында Дезире Дуэ, Люка Эрнандес, Витинья және Фабиан Руис мергендік танытты. Каталонияның клубында Хави Эспарт пен Ламин Ямаль гол соқты.

Осылайша ПСЖ тоғызыншы ұпайын олжалады. Ал «блауграна» еншісінде алты ұпай бар.

Келесі турда Луис Энрикенің шәкірттері «Вильярреалға» қонаққа барса, Ханс-Дитер Фликтің командасы «Астон Вилланы» қабылдайды.