«Фенербахче» «Атлетико» ойыншысына көз тікті

«Фенербахче» «Атлетиконың» шабуылшысы Александр Серлотты алғысы келеді

ПСВ клубының орталық жартылай қорғаушысы Джои Верманды алғаннан кейін, түрік клубы жаңа шабуылшы іздеуге көшті. «Фенербахченің» президенті Садеттин Саран Серлотты қысқы трансферлік терезедегі басты мақсат ретінде белгіледі.

Тараптар алғашқы келіссөздерді өткізіп үлгерді, алайда 30 жастағы ойыншының талаптары өте жоғары. Александр 4 жылдық келісімшартты, жылына 12 миллион еуро жалақыны сұрап отыр, сонымен қатар «Атлетико» ойыншы үшін ірі трансферлік өтемақы алғысы келеді. Клуб басшылығы бұл трансфер үшін кез келген қадамға баруға дайын.

Серлот «Атлетико» сапында 2024 жылдың тамыз айынан бері өнер көрсетіп келеді. Ол «Вильярреалдан» 32 миллион еуроға ауысты. Оның қазіргі келісімшарты 2028 жылдың 30 маусымына дейін жарамды.

Осы маусымда Александр клубтық деңгейде 22 матчта 5 гол соғып, 1 нәтижелі пас берді.