«Барселона» жарқын жеңіске жетті

Испания Ла Лигасының 31-турында «Барселона» өз алаңында «Эспаньолды» тізе бүктірді

«Камп Ноуда» өткен дербиде 4:1 есебі тіркелді. Алаң иелерінің сапында Ферран Торрес дубль жасаса, Ламин Ямаль мен Маркус Рэшфорд бір голдан соқты.

Осылайша «блауграна» 79-ұпайын еншілеп турнир кестесінде көш басында қалды.

Ханси Фликтің шәкірттері келесі турда 22 сәуір күні «Сельтаны» қабылдайды.